18 окт 11:33
Янгиликлар
Мейвезер тўртта вазнда собиқ жаҳон чемпионига қарши жанг қилади
Ушбу жанг 9 декабрь куни бўлиб ўтади. Шунингдек, бокс оқшомида ўрта вазн тоифаси вакиллари Кит Турман ва Дэнни Гарсия ўртасида ҳам жанг ташкил этилади.
Мейвезер охирги марта шу йилнинг июнь ойида марҳум мафия раҳбари Жон Готтининг набираси Жон Готти IIIʼга қарши кўргазмали жанг ўтказганди. Ўша жанг оммавий муштлашув билан якунланган эди.
Майки Гарсия эса сўнгги бор 2021 йилда рингга чиққан, ўшанда у кутилмаганда испаниялик Сандор Мартинга очколар ҳисобида имкониятни бой берганди. Шундан сўнг у фаолиятини тугатганини эълон қилган эди.
Қизиғи, Мейвезер 2015 йилдан бери биринчи бор профессионал боксчи билан тўқнаш келади. Сўнгги бор у Андре Бертони мағлуб этганди. Шундан кейин Флойд Конор Макгрегор билан жанг қилган, кейин эса ММА жангчилари ва блогерлар билан кўргазмали жанглар ўтказган.
Фикрлар