11 апр 14:35
Янгиликлар

Бокс/ММА

Мейвезер vs Макгрегор-2. Октагондаги жанг қоидалари ошкор қилинди

Енгилмас боксчи Флойд Мейвезер ҳамда аралаш қоидалар бўйича UFC чемпиони Конор Макгрегор ўртасида иккинчи жангнинг ўтказилиши тобора ойдинлашиб бормоқда.

Матбуотда жанг қоидалари ҳақидаги хабарлар пайдо бўлди. Унга кўра, ҳар икки спортчи октагонга оёқ кийимисиз чиқишади. Қўлқоплар одатий ММА жангларидаги каби бўлади.

Жанг давомида рақибга оёқда зарба бериш мумкин эмас. Шунингдек, тизза ва тирсакларни ишлатишга ҳам рухсат берилмайди. Клинч ҳолатида курашиш мумкин.

Октагондаги жанг 5 раунддан иборат бўлади. Ҳар бир раунд 5 дақиқа давом этади. Вазн тоифаси Конор учун жуда ҳам мос бўлган 70 кг этиб белгиланди. Ҳозирча жангнинг қачон ва қаерда ўтказилиши ҳақидаги маълумотлар берилмаган.