26 мар 12:21
Янгиликлар

Теннис

Miami Open. 18 ёшли Кори Гофф учинчи босқичга йўл олди

АҚШнинг Майами шаҳри мезбонлигида ўтаётган Miami Open турнири ўзининг қизғин палласига кириб боряпти.

Сайёрамизнинг 17-ракеткаси Кори Гофф мусобақанинг учинчи даврасига йўл олди. 13 март куни 18 ёшга тўлган Кори WTA рейтингида 101-поғонадан жой олиб турган хитойлик Цзян Вандан устун келди - 7/5, 6/4.

Теннисчиларда кортда ропп-роса 100 дақиқа ҳаракат қилишди. Америкалик истеъдод эгаси 6 та, хитойлик теннисчи эса 1 та эйс зарбасини ижро этди. Теннисчиларнинг ўзаро учрашувларида Кори пешқадам - 3:1. Гофф Miami Open турнирининг учинчи босқичида яна бир Чин юрти вакиласи Чжан Шуайга қарши кортга чиқади.