16 мар 14:15
Янгиликлар

Теннис

Miami Open. Бугун теннис маликаларимиз ўз юришларини бошлайдилар

Бугун АҚШнинг Майами шаҳрида WTA 1000 тоифасига кирувчи, мукофот жамғармаси 9 млн 415 минг 725 долларни ташкил қилувчи нуфузли турнир старт олади.

Мусобақанинг саралаш баҳсларида мамлакатимизнинг биринчи ҳамда иккинчи ракеткалари - Камилла Раҳимова ва Мария Тимофеева ҳам ўз омадини синаб кўради. Уларнинг ҳар иккиси ҳам бугун саралашнинг илк давра учрашувини ўтказади.

Раҳимова 1/2 финалда франциялик Леолия Жанжанга қарши кортга чиқади. Учрашув бизнинг вақт билан соат 19:00да бошланади. Иккинчи ракеткамиз Мария Тимофеева эса австралиялик Лулу Сунга қарши баҳс олиб боради. Ушбу баҳснинг бошланиши соат 22:00га белгиланган.

Таққослаш учун, Камилла Раҳимова WTA рейтингида 82, Жанжан 123, Тимофеева 150, Сун 111-ўринни эгаллаб турибди. Ҳар икки теннисчимиз рақибалари билан илк бор тўқнаш келишади.