31 мар 16:41
Янгиликлар

Теннис

Miami Open. Cайёрамизнинг биринчи ракеткаси Соболенкони енгди

АҚШнинг Майами шаҳрида теннис бўйича нуфузли WTA турнири давом этмоқда.

Сайёрамизнинг биринчи рақамли теннис маликаси Эшли Барти турнирнинг чорак финалида рейтингнинг 8-поғонасидан жой олиб турган беларуслик Арина Соболенкони 6/4, 6/7(5), 6/3 ҳисобларида мағлубиятга учратди.

Икки соату 16 дақиқа давом этган баҳсда австралиялик 24 ёшли Барти 6 та, 22 яшар Соболенко эса 12 та эйс зарбасини амалга оширди. Теннисчиларнинг ўзаро учрашувларидаги ҳисоб мувозанати тикланди - 3:3. Энди Эшли Miami Open ярим финалида латвиялик Анастасия Севастовадан устун келган украиналик Элина Свитолинага қарши кортга чиқади.