27 мар 12:08
Янгиликлар

Теннис

Miami Open. Медведев - Маррей учрашуви ғолиби икки сетда аниқланди

Дунёнинг иккинчи ракеткаси Даниил Медведев Майами "Мастерс" турнирида муваффақиятли старт олди.

Россиялик теннис устаси 90 дақиқа давом этган иккинчи давра учрашувида ATP рейтингида 85-ўринни эгаллаб турган британиялик Энди Маррейни 6/4, 6/2 ҳисобида таслим этди.

Учрашув давомида 26 ёшли Медведев 4 та, 34 яшар Маррей эса битта эйс зарбасини амалга оширган. Теннисчиларнинг ўзаро учрашувларида Даниил олдинда бормоқда - 2:0.

Энди у Miami Open турнирининг учинчи босқичида Педро Мартинесга қарши кортга чиқади. Испаниялик ўз ўрнида чилилик Кристиан Гариндан устун келди - 7/6(2), 6/2.