Miami Open. Остапенко ғалаба билан бошлади

Дунёнинг 54-ракеткаси Елена Остапенко Miami Open турниридаги иштирокини ғалаба билан бошлади. Латвиялик теннис маликаси илк даврада рейтингнинг 135-поғонасидан жой олиб турган хитойлик Сю Вандан устун келди - 6/4, 6/7(4), 6/1.

Икки соату 12 дақиқа давом этган баҳсда Елена 2 та, Сю эса 3 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Энди Остапенко Майами турнирининг иккинчи босқичида америкалик Элисон Рискега қарши кортга чиқади.