Микснинг Bellator Гран-при финалидаги ғалабаси учун 80 сония кифоя қилди

Стотс енгил вазнда вақтинчалик Bellator чемпиони бўлиб турганди. Финал жангида ўртага бир миллион доллар қўйилган эди. 

Bellator 295 турнирининг ушбу марказий жанги 80 сония давом этди. Микс тиззасида Стотсга кучли ва аниқ зарба йўллаб, рақибини чуқур нокаутга учратди ҳамда миллион долларлик чекни қўлга киритди. 

Маълумот учун, Микс финалга қадар япониялик Киоджи Хоригучини очколар ҳисобига кўра, россиялик Магомед Магомедовни эса бўғиш усули билан мағлуб этганди. Патрикнинг кейинги рақиби енгил вазнда Bellator чемпиони Сержио Петтис ҳамда вазн тоифасидан қатъий назар промоушеннинг энг яхши жангчиси Патрисио "Питбул" Фрейре ўртасидаги жанг ғолиби бўлади.

Ушбу супержанг 16 июнь куни Чикагодаги Bellator 297 турнири доирасида бўлиб ўтади. Микс бу жангни бевосита аренада кўришга ваъда берди.