Миллий гвардия ҳамда Ўзбекистон йилқичилик ва от спорти федерацияси ўртасида Меморандум имзоланди

Унда Ўзбекистон Республикаси Президенти ҳузуридаги Хавфсизлик кенгаши котиби, Ўзбекистон триатлон федерацияси раиси Виктор Маҳмудов, Ўзбекистон Республикаси давлат хавфсизлик хизмати чегара қўшинлари, Ўзбекистон Республикаси Ички Ишлар Вазирлиги, Ўзбекистон йилқичилик ва от спорти федерацияси, Ўзбекистон улоқ-кўпкари федерацияси вакиллари ва спорт жамоатчилиги фаоллари иштирок этишди.

Тадбирда Ўзбекистон Республикаси Миллий гвардияси қўмондони, генерал-майор Рустам Жўраев ҳамда Ўзбекистон йилқичилик ва от спорти федерацияси раиси Баҳромжон Газиев ҳамкорлик бўйича меморандумини имзолашди. Унга кўра, томонлар Республикамизда от спортини ривожлантириш, ушбу спорт турини ёшлар орасида оммалаштириш, от спортини Миллий гвардия бўлинмаларидаги ўқув-машғулотларига босқичма-босқич киритиш ва от спорти бўйича турли мусобақаларни ташкил этиш каби йўналишларда ҳамкорлик қилишади.