Миллий матбуот марказида ўтказилган кураш тадбиридан ФОТОРЕПОРТАЖ

Ўзбекистон Республикаси Президентининг “Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида”ги ПҚ-4881-сонли қарори ижросини таъминлаш мақсадида Ўзбекистон кураш федерацияси томонидан хорижий давлатларда мунтазам халқаро турнирлар ўтказилиб келинмоқда. 

Бу ўз-ўзидан ўзбек спорти курашни халқаро майдондаги нуфузи янада мустаҳкамланишига ҳисса қўшмоқда. Ўзбекистон Президенти соврини учун ўтказилган қатор халқаро турнирларда иштирок этаётган давлатлар сонини ошиб бориши бу сўзимизни исботи десак муболаға қилмаймиз.

7-9 май кунлари Германиянинг Франкфурт-Майе шаҳри Ўзбекистон Республикаси Президенти соврини учун  ўтказилган халқаро турнирга мезбонлик қилган  бўлса, 28-29 май кунлари Европанинг жанубидаги давлат Болгария осмонида ўзбек сўзлари жаранглади.

Ўн кун аввал (26 июнь) поёнига етган яна бир турнир ҳақиқий кураш байрамига айланди. Туркия давлатининг Истанбул шаҳридаги “Turkish Word Cultural Quarter” маданият маркази кураш бўйича Ўзбекистон Республикаси Президенти соврини учун халқаро турнирга мезбонлик қилди. 10 мингдан ортиқ томошабинни қамраб олган кураш мусобақасида 20 га яқин давлат полвонлари мутлоқ вазн тоифасида ўзаро беллашдилар.  

Беллашувлар якунида  қуйидагилар шоҳсупага кўтарилдилар: 1. Эсе Зурнаки (Туркия), 2. Ситора Хусанова (Ўзбекистон), 3. Белкис Зеҳракайа (Туркия), 3. Лореана Александра (Руминия)

Эркаклар ўртасида эса 1. Хуррамов Муҳаммадкарим (Ўзбекистон), 2. Қурбоналиев Дадахон (Tожикистон), 3. Кан Гузел (Туркия), 3. Реско Викторс (Латвия).

Ўзбекистон  Кураш федерацияси олдида яна кўплаб давлатларда халқаро турнирлар ўтказиш режаси турибди. Сизу-бизнинг спортимиз курашимизнинг Олимпия ўйинларига киритиш олий мақсадимиздир.

Алимурод МАМАДАМИНОВ, ўз мухбиримиз