15 июн 08:28
Янгиликлар
Бокс/ММА
Мирафзал Аҳтамов иштирокидаги жанг иккинчи раунддан сўнг якунланди
Кеча Дубай шаҳридаги Coca Cola Arena'да ММА бўйича 971 Fighting Championship турнири бўлиб ўтди.
Мазкур турнир доирасида ҳамюртимиз Мирафзал Аҳтамов ҳам октагонга кўтарилди.
Ушбу жангда юртдошимизга Жанубий Африка Республикаси вакили Адриан Санчес рақиблик қилди.
Уч раундга мўлжалланган жанг иккинчи раунддан сўнг ўз якунига етди. Икки раунд якунига кўра Мирафзал устунликка эришаётганди. Аммо юртдошимизнинг қоши ёрилгани сабаб ҳакамлар жангни давом эттиришга рухсат беришмади ва техник нокаут қайд этишди.
Шу тариқа, ушбу жангда Адриан Санчес ғалабага эришди.
Аҳтамов эса профессионал ММАдаги фаолиятида илк мағлубиятини қабул қилиб олди.
Ҳавола :
Манба : olamsport.com
Фикрлар