Мирафзал Ахтамов фаолиятидаги кутилмаган илк мағлубиятига муносабат билдирди

Мусобақа доирасида Жанубий Африка Республикаси вакили Адриан Санчесга қарши жанг қилган ўзбекистонлик таниқли аралаш яккакураш устаси Мирафзал Ахтамовнинг жароҳат олиши натижасида беллашув муддатидан аввал тўхтатилиб, ғалаба рақибга берилганди.

Ушбу вазиятга Ахтамов қуйидагича муносабат билдирди:

"Бу менинг куним эмасди. Рақибимни икки раунд давомида ҳеч қандай имконият қолдирмай урдим, лекин афсуски, жароҳат туфайли шифокорлар жангни тўхтатишга мажбур бўлишди. Мен бу ҳолатни ўзим учун ҳақиқий мағлубият, деб ҳисобламайман. 

Янада кучлироқ бўлиб қайтаман. Доим охиригача ҳаракат қилганман ва бундан кейин хам шундай бўлади. Қолгани тақдирдан. Менга бу жангга тайёргарлик кўришда ёрдам берган барчага — TKMMA Fit жамоамга, мураббийларимга ва спарринг шерикларимга катта раҳмат айтаман", деб ёзган Мирафзал ўзининг Instagram саҳифасида.

Бу бухоролик спортчимизнинг фаолиятидаги илк мағлубият бўлди.