19 дек 09:33
Янгиликлар

Бокс/ММА

Мирафзал Ахтамовнинг Bellator'даги илк рақиби маълум, ҳамюртимиз Усман Нурмагомедов билан бир кардда жанг қилади

Аввал хабар берганимиздек, ўзбекистонлик аралаш яккакураш устаси Мирафзал Ахтамов фаолиятини Bellator лигасида давом эттиради.

31 ёшли ҳамюртимиз Bellator'даги илк жангини 25 январь куни Дубай (БАА) шаҳрида ташкил этиладиган Bellator Champions Series турнири доирасида ўтказади. Ўша куни "Мирко"га англиялик Майк Томпсон рақиб бўлади. Бу Томпсон учун ҳам янги лигадаги дебют баҳс бўлади.

Оқшомнинг марказий жанги енгил вазнда россиялик Bellator чемпиони Усман Нурмагомедов ҳамда ирландиялик Пол Хьюз ўртасида кечади.

Маълумот ўрнида, Мирафзал Ахтамов ҳозирга қадар 8 та жанг ўтказиб, 7 ғалаба ва 1 та дуранг қайд этган. Майк Томпсон ҳисобида эса 7 ғалабадан ташқари 2 та мағлубият ҳам бор. Ахтамов PFL&Bellator лигалари билан 4 та жанг учун шартнома имзолаган.