01 апр 03:21
Янгиликлар

Бокс/ММА

Миразизбек Мирзаҳалилов Бразилиядаги Жаҳон кубогини ғалаба билан бошлади

Теглар : Жаҳон кубоги Миразизбек Мирзаҳалилов

Бугундан Бразилиянинг Фос-ду-Игуасу шаҳрида бокс бўйича World Boxing томонидан ташкил этилаётган Жаҳон кубоги босқичи бошланди.

Мусобақанинг илк куни доирасида Ўзбекистон терма жамоаси аъзоси Миразизбек Мирзаҳалилов (-55 кг) рингга кўтарилди.

Унга Швеция вакили Небил Ибраҳим рақиблик қилди. Жанг 3 раунд тўлиқ давом этди ва якунда Мирзаҳалилов 5:0 ҳисобида ҳакамларнинг якдил қарори билан ғолиб бўлди.

Энди Фарғонада туғилган 30 ёшли Миразизбек мусобақанинг чорак финал босқичи доирасида Николас Павлик билан баҳс олиб боради.