Миржалол Қосимов жамоасининг жорий мавсумдаги ўйинларига неча баҳо қўйди?

"Қисқача айтадиган бўлсам, икки жамоа ғалаба учун майдонга тушганди, лекин дуранг қайд этилди. "Сурхон" бугун яхши ҳимояланди, пастки қисмда жуда зич бўлиб кутиб олди ва имкон қадар ғалабага интилди. Бизда ҳам шундай бўлди. Айтишади-ку, футбол 90 дақиқа ўйналади ва биринчи дақиқаданоқ ёниш керак, деб. Биринчи бўлимда йигитларга шашт етишмади. Танаффусда йигитларга керакли кўрсатмаларни бергандим, иккинчи бўлимда яхшироқ ўйнашди. Яхши вазиятлар ҳам бўлди, дарвоза тўсинини ҳам нишонга олдик. Дуранг икки жамоа учун ҳам нормал ҳолат деб ўйлайман", – деди Қосимов. 

- Жамоанинг салоҳиятини инобатга олиб, ОКМКга қандай баҳо берасиз?

- Бунга ҳали вақтли, олдинда сўнгги тур ўйинимиз бор. Биз юқори ўринларга ҳаракат қилгандик. Агарда умумий баҳо берадиган бўлсам, 5 дан 3 баҳо қўйган бўлардим. Лекин биз кўпроғини истагандик. Футболда ҳар хил вазиятлар бўлиши мумкин. Шунинг учун ҳам яна уриниб кўрамиз. Ўтган йили шу таркиб билан 2-ўринни олгандик, бу таркибни кучайтиришимиз керак. Беқарор ўйинлар ушбу мавсумда бизни 6-ўринга тушириб қўйди.