Миср терма жамоаси собиқ юлдузи кечаги учрашув учун бош мураббийни танқид қилди

"Ҳоссам Ҳассан жаноблари кеча Жаҳон чемпионатига илк бор чиққан терма жамоага қарши майдонга тушди. Биз Ўзбекистондан ФИФА рейтингида анча тепадамиз, бироқ улар биздан 20 ёки 30 баравар ўйин томонлама устунлик қилди. Улар бизни 2:0 ҳисобида мағлуб этишди. Ўзбекистон яна 8 ёки 9 та гол уриши ҳам мумкин эди. Биз асосий таркибимиз билан бундай натижа кўрсатмаслигимиз керак эди. 

Атиги 2 та гол ўтказиб юборганимиз учун дарвозабонимизга раҳмат айтишимиз керак. У 4-5 та бирга-бир вазиятларда жамоамизни муқаррар голлардан сақлаб қолди. Бўлмаса, учрашув жуда йирик ҳисобдаги мағлубият билан якунланарди", - деди Аҳмад Билол.