MMA олами сунъий интеллект томонидан тузилган янги UFC рейтингига муносабат билдирди

Ренато Мойкано: "Бу аҳмоқона рейтинг биринчи марта тўғри бўлиб чиқди"

Яна Сантос: "AI томонидан UFC янги рейтингларида қизиқарли янгиланиш. Луана Сантос энди 3-ўринда, Ракел Пеннингтон 15-ўринга тушиб кетди, Ирен Алдана ҳам ўз ўрнини йўқотди, мен эса 6-ўринда қолдим. Шикоят қилмаяпман - шунчаки бу рейтинглар қандай формула билан ҳисобланишига чин дилдан қизиқяпман. Дарья Железнякованинг Пеннингтондан юқори туриши эса умуман мияни портлатади. Сиз нима деб ўйлайсиз?

Доминик Рейес: "Алекс энди сафимизда эмас - у аллақачон оғир вазн тоифасида. Жамал ҳам кетди - у ҳам оғир вазн тоифасига ўтди. Назарий жиҳатдан бу мени рейтингда бешинчи ўринга кўтаради. Карлос операциядан кейин тикланар экан, Магомед Халилга, Иржи Паулога қарши мини-турнир ўтказиш мумкин эди. Унда мен кейинги даъвогар бўлиб қоламан. Тўққизинчи рақамдаги бирор киши билан ёки еттинчи рақамдаги Азамат Мурзаканов билан муштлашишим мумкин. Идеал ҳолатда мен ушбу турнирдаги жанглардан бири учун захира жангчиси бўлардим. Агар ҳаммамиз битта кардга тушиб қолсак, айнан шундай вариант энг мантиқли кўринади".

Али Абдел-Азиз: "Янги рейтинглар менга ёқди"

Витор Петрино: "Мақсадимизга тобора яқинлашяпмиз! UFC янгиланган рейтингида дунёнинг энг яхши 10 талиги!"

Грегори Родригес: "Бугун сунъий интеллект ёрдамида яратилган янги рейтинг тақдим этилди. Ҳозир ўрта вазнда 9-ўринда турибман. Қилинган ишнинг эътироф этилаётганини кўриш ёқимли. Лекин мен ҳали тугатганим йўқ".

Сунъий интеллектнинг янги UFC рейтинги лиганинг расмий веб-сайтида тақдим этилди, бироқ у ерда эски рейтинг ҳам сақланиб қолмоқда. Афтидан, у матбуот вакилларининг тўғридан-тўғри овоз бериши орқали янгиланишда давом этади. Ҳозирча рейтинглардан қайси бири "расмий" ҳисобланиши номаълум, ташкилот эса бу борада изоҳ бермади.