Модрич "Реал"га қайтиши мумкин

Бу ҳақда футболчининг "қироллик клуби" президенти Флорентино Перес билан сўнгги учрашувидан олинган ички маълумотларга таяниб, "Defensa Central" нашри хабар берди.

Манбага кўра, Модрич футболчилик фаолиятини якунлаганидан сўнг футболда қолиш истагини билдирган. Хусусан, унинг нияти – ўзини мураббийлик соҳасида синаб кўриш. Перес ўз навбатида бу ғояни қўллаб-қувватлади ва бутсаларини михга илганида Лукага "Реал" академиясидан иш жойи беришни ваъда қилди. Шунингдек, у Модрич Зинедин Зидан, Рауль ва Хаби Алонсо каби клуб афсоналари йўлидан бориши мумкинлигини қўшимча қилди.