"Монако" кейинги мавсум ЕЧЛда ўйнамайди

"Лион" ўз майдонида "Монако"ни қабул қилди ва 3:1 ҳисобида иродали ғалабага эришди. Ушбу мағлубиятдан сўнг "Монако"да Чемпионлар лигаси йўлланмаси учун имконият йўқолди. Сабаби Францияга ЕЧЛда 3 та ўрин ажратилган. "Монако" 36 та ўйиндан сўнг 65 очко билан 4-ўринда бормоқда. Клуб қолган иккита учрашувда максимал очко тўпласа ҳам 73 очкога эга "Марсел"га ета олмайди.

Бир неча карра Франция чемпиони бўлган "Лион" эса 36та баҳсдан кейин 59 очко жамғарган ҳолда мусобақа жадвалининг 7-поғонасида бормоқда. Кеча "Лион" ҳужумчиси Александр Ляказетт бу мавсумдаги голлари сонини 26тага етказиб тўпурарлар пойгасида Килиан Мбаппега етиб олди.

Франция чемпионати. 36-тур

Лион – Монако 3:1 (1:1, 2:0)

Голлар: 0:1 – 2, пенальти Бен-Йеддер, 1:1 – 38 Ляказетт, 2:1 – 57 Какре, 3:1 – 78 Шерки.
Лион – Антони Лопеш, Кумбеди, Лукеба, Диоманде, Тальяфико, Толиссо, Какре, Шерки, Барколя, Жеффиньо (Тиаго Мендес, 76), Ляказетт.
Монако – Нюбель, Вандерсон, Дисаси, Кайо Энрике, Матсима, Якобс, Головин (Диатта, 71), Фофана, Матазо (Камара, 64), Аклиуш (Бен-Сегир, 64), Бен-Йеддер (Эмболо, 71).
Огоҳлантиришлар: Головин (31), Якобс (55), Вандерсон (63).