“Монстр” Иноуэ энди учта вазн тоифасида жаҳон чемпиони

Оқшомнинг марказий жангида япониялик “Монстр” Наоя Иноуэ (16-0, 14 КО) 53,5 кг вазнда WBA Regular чемпиони британиялик Жейми Макдоннелл (29-3-1, 13 КО)га қарши рингга кўтарилди. 

Макдоннелл учун бу еттинчи чемпионлик ҳимоя жанги эди. Иноуэ эса бошқа вазн тоифаси вакили сифатида рингга чиқди. Жанг биринчи раунддаёқ якунига етди. 

Япониялик боксчининг кетма-кет кучли зарбаларини ўтказиб юборган Макдоннелл қийин аҳволга тушиб қолди. Иккинчи нокдаун ҳолатидан сўнг рефери жангни тўхтатишга мажбур бўлди. Бу билан 25 ёшли Иноуэ 3та вазн тоифасида жаҳон чемпионига айланди.