13 апр 14:01
Янгиликлар

Теннис

Monte-Carlo Masters. Синнер Рунедан устун келди

Монте-Карло "Мастерс" турнирида яна бир 1/2 финалчининг номи маълум бўлди.

Грунт қопламали нуфузли турнирнинг 1/4 финалида дунёнинг иккинчи ракеткаси бўлиб турган италиялик Янник Синнер ATP рейтингида 7-поғонада жой олган даниялик Хольгер Рунени 6:4, 6:7 (6:8), 6:3 ҳисобида мағлубиятга учратди. Бу билан Янник теннисчиларнинг ўзаро учрашувларидаги ҳисоб мувозанатини тиклади - 2:2.

Икки соату 42 дақиқа давом этган баҳсда Синнер 5, Руне 6 та эйс зарбасини амалга оширган. Хольгерда қўшхатолар уч баробар кўп бўлди - 6 га 2. Энди италиялик теннисчи "Мастерс"нинг финал чиптаси учун грециялик Стефанос Циципасга қарши кортга чиқади.