14 апр 10:01
Янгиликлар

Теннис

Монте-Карло “Мастерс”. Имтиёзли йўлланма соҳиблари маълум

Хабар берганимиздек, бугун Франциянинг Монте-Карло шаҳрида теннис бўйича “Мастерс” сериясига кирувчи нуфузли турнирнинг саралаш баҳслари бошланади.

Турнир ташкилотчилари wild card, яъни асосий тўрда тўғридан-тўғри қатнашиш ҳуқуқини берувчи имтиёзли йўлланма эгаларини ошкор қилишди. Бу имкониятни франциялик Жиль Симон, канадалик Феликс Оже, австралиялик Танаси Коккинакис ҳамда монаколик Лукас Катарин қўлга киритишди.

Маълумот учун, мусобақанинг соврин жамғармаси 5 миллион 238 минг 735 еврони ташкил қилади. Турнирнинг биринчи ракеткаси сифатида испаниялик Рафаэль Надаль қайд этилган. У ўз иштирокини иккинчи даврадан бошлайди.