МОҚ президенти халқаро машғулот йиғинига ташриф буюрди

Тўғри, ҳали йиғинга таклиф этилган терма жамоалар тўлиқ Тошкентга келиб улгуришмади. Шундай бўлса-да,  дзюдочиларимиз билан бирга Қирғизистон ва Грузия терма жамоалари ҳам машғулотларга киришишди. 

Ўзбекистон Миллий олимпия қўмитаси президенти Рустам Шоабдураҳмонов Дзюдо марказида бевосита машғулотларни кузатди. Рустам Мавзурович мураббийлар ва дзюдочиларимиз билан суҳбатга киришар экан, Олимпиадада уларга катта ишонч билдирилаётгани, давлатимиз томонидан бунинг учун барча шароитлар яратиб берилаётгани, бунга жавобан Токиодан медаллар билан қайтиш кераклигини урғулади. Меҳмон дзюдочиларга эса таклифга лаббай деб жавоб бериб, Тошкентга келганликлари учун миннатдорлик изҳор қилди. 

Маълумот учун, бугун Миср терма жамоаси катта делегация билан юртимизга етиб келади. Режа бўйича эртадан тўлиқ таркибда халқаро ўқув-машғулот йиғини давом эттирилади.