09 дек 08:49
Янгиликлар

Тадбирлар

МОҚ раҳбари “Ўзкимёсаноат” АЖ Бошқаруви раиси билан учрашди

Ўзбекистон Миллий олимпия қўмитаси раиси Рустам Шоабдураҳмонов чим устида хоккей спортини ривожлантиришга масъул этиб белгиланган “Ўзкимёсаноат” акционерлик жамияти Бошқаруви раиси Жўрабек Мирзамаҳмудов билан учрашув ўтказди.

Унда МОҚ раиси девони раҳбари Мираъзам Мираҳмедов ҳам иштирок этди.

Мулоқот давомида Ўзбекистон чим устида хоккей федерациясининг 2021 йилги молиявий харажатларини кўриб чиқиш, терма жамоа аъзоларининг Ханчжоу-2022 Осиё ва Париж-2024 Олимпия ўйинларига тайёргарлигига эътибор қаратиш, юртимизда ушбу спорт тури оммавийлигини таъминлаш каби масалалар муҳокама қилинди.

Очиқ ва самимий руҳда ўтган мулоқотда ушбу спорт турини янада ривожлантириш, галдаги халқаро мусобақаларда вакилларимизнинг муносиб иштироки учун зарур бўлган барча чора-тадбирлар мураббий ва спортчилар иштирокида кўриб чиқилиши ва ижроси юзасидан келишиб олинди.