UZ

Сўнгги янгиликлар

18:01WBO Жошуага ультиматум қўйди 0 17:37“Макгрегор пенсияга чиқиши керак, у ҳатто қарияни ҳам нокаут қилолмайди” 3 17:10Конор ва Серроне матбуот анжуманида иштирок этади 0 16:41Друлович Ўзбекистон Олимпия терма жамоасидаги муҳит ҳақида гапирди 1 16:17Буюк Британия Россияни 4 йилга тўлалигича спортдан четлатишни талаб қилмоқда 0 15:52Кроуфорд Альварес ва Головкин вазнига ўтмоқда 7 15:29Энди Руис энди нима қилмоқчи эканлигини маълум қилди 0 15:07"Интер" 35 миллион евролик трансфер бўйича келишувга эришди 0 14:45Шарофиддин Лутфуллаев "Мастерс" турнирининг бронза медали соҳиби! 1 14:2220 ёшли оғир атлетикачимиз жаҳон кубогида медаллар шодасини қўлга киритди 0 14:03Муроджон Аҳмадалиевнинг Романга қарши чемпионлик жанги тахминий санаси эълон қилинди 1 13:42"Барселона" MLS тўпурарини ижарага олмоқчи 0 13:18Сайёрамизнинг энг кучли боксчиси дам олмоқда 0 12:55"Мастерс". Икки дзюдочимиз медаль учун курашади 0 12:27Жошуа Уайлдерга жавоб қайтарди 2

25 июн 11:08
Янгиликлар

Бошқалар

МОҚ спорт федерациялари ва ассоциацияларини антидопинг масаласида хушёрликка чорлади

Ўзбекистон Миллий олимпия қўмитасида “Спортда таъқиқланган препаратлар ва уларнинг салбий оқибатлари” мавзусида семинар бўлиб ўтди.

Унда Жисмоний тарбия ва спорт вазирлиги, МОҚ, Соғлиқни сақлаш вазирлиги, Миллий антидопинг агентлиги, МОҚ қошидаги спорт тиббиёти илмий-амалий маркази (РСТИАМ), барча федерация ва ассоциациялар вакиллари ҳамда ОАВ ходимлари иштирок этишди.

Тадбирда даставвал Ўзбекистон Миллий антидопинг агентлиги директори Нодирбек Турсунов сўзга чиқиб, Халқаро антидопинг агентлиги (WADA)нинг айни пайтдаги талаблари, ташкилотнинг таъқиқланган препаратлар рўйхатида юз бераётган ўзгаришлар хусусида гапириб берди. Шундан сўнг РСТИАМ раҳбари Абдушукур Содиқов мавзу юзасидан тайёрлаб келган тақдимотини намойиш қилди.

Замонавий спортда фармакологик воситалар юқори натижаларга эришишнинг асосий сабабчисига айланиб улгурган. Бироқ улардан тўғри ва оқилона фойдалана олиш эса ҳар кимнинг ҳам қўлидан келавермайди. Допинг деганда, кўпчилик спортчига қўшимча куч ва энергия берувчи воситани тушунади. WADA бундан ташқари спортчиларнинг тез тикланишига, оғриқни қолдиришга ёрдам берувчи кўплаб дори воситаларини ҳам допинг қаторига қўшган. Буларнинг барчаси спортчининг ҳаёти билан ҳамнафас. Шундай экан таъқиқланган препаратлардан ўз вақтида хабардор бўлиш ўта масъулияли вазифага айланган”, – деди Абдушукур Содиқов.

Семинарда сўзга чиққан Жисмоний тарбия ва спорт вазирининг биринчи ўринбосари Ойбек Касимов соҳанинг юртимиздаги ривожи борасида ўзининг танқидий фикрларини билдириб ўтди.

Очиғини айтсам, бу семинарда янада кўпроқ маълумот оламан, кўпроқ таҳлил эшитаман, деб ўйлаган эдим. Бу ерда ўз соҳасининг ҳақиқий мутахассислари ўтиришибди. Спортчи таҳлилининг ижобий чиқиши мамлакат имижи учун ҳам салбий таъсир қилади. Биз бу борада янада кўпроқ изланиб, допингдан сақланишимиз керак. Антидопингдаги янгиликлар бўйича соатлаб гапирса бўлади. Тан олишимиз керак, бизнинг бу соҳада катта билимга эга мутахассисларимиз кам. Спорт докторларини халқаро семинарларга жўнатиб, уларнинг билимини ошириш лозим. Афсуски, Токио Олимпиадасигача қолган вақт бунинг учун қисқалик қилади”, – деди Ойбек Касимов.

Тақдимотда WADA томонидан таъқиқланган препаратларнинг сўнгги янгиланган рўйхати маълум қилинди. Шунингдек, семинар давомида бир қатор мутасадди раҳбарлар ва мураббийлар сўзга чиқиб, Токио Олимпиадасига тайёргарлик йўлида фармакологик воситалардан тўғри фойдаланиш борасида ўз фикрларини билдириб ўтишди.



Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг