26 июн 15:58
Янгиликлар
Моунтинбайкчиларимиз Бўстонлиқдаги Осиё чемпионатида 3 та медални қўлга киритишди
27 июнга қадар давом этадиган мазкур мусобақанинг тантанали очилиш маросими ва қатор дастурлардаги финал баҳслари ташкил этилди.
Тадбирда Ўзбекистон Республикаси Олий Мажлиси Сенати раиси, мамлакат велоспорт федерацияси раҳбари Танзила Нарбаева, Осиё велоспорт конфедерацияси Президенти Амаржит Сингҳ, Спорт вазири ўринбосари Шаҳрулло Маҳмудов иштирок этиб, мусобақа қатнашчиларига самимий тилакларини йўллашди.
Ўтказилган баҳслар спортчиларимиз учун муваффақиятли кечди. Аёллар ўртасида ташкил этилган доунҳилл дастурида шоҳсупанинг барча поғонаси юртдошларимизга насиб этди.
1. Мария Закирова
2. Ализа Режепова
3. Севинчой Зарипбоева
Қайд этиш жоиз, бу йилги қитъа биринчилида 18 мамлакатдан 300 нафарга яқин спортчи қатнашмоқда.










Фикрлар