22 мар 04:30
Янгиликлар
Бокс/ММА
Мовсар Евлоев UFC London турнирининг марказий жангида Лерон Мёрфини мағлуб этди
Лондонда аралаш якка курашлар бўйича UFC Fight Night 270 турнири ўз ниҳоясига етди.
Мусобақанинг марказий жанги ярим енгил вазн тоифасида ташкил этилди.
Унда UFC рейтингида биринчи ўринни эгаллаб турган россиялик Мовсар Евлоев Англия вакили, рейтингда учинчи ўринда қайд этилган Лерон Мёрфига қарши октагонга кўтарилди.
Жанг тўлиқ 5 раунд давом этди. Иккинчи беш дақиқаликда Мовсардан очко олиб ташланди. Шунга қарамасдан, рус спортчиси баҳсда очколар ҳисобига кўра зафар қучди.
Шу тариқа, Мовсар Евлоев фаолиятидаги 20-жангида 20-ғалабасини нишонлади. Мёрфининг рекорди эса эндиликда 17-1-1 кўринишида.
Ҳавола :
Манба : olamsport.com
Фикрлар