Мозес Итаума Британия рекордини янгилаши мумкин

Шундай бўлган ҳолатда, у 21 ёш-у етти ойлигида Буюк Британияда энг ёш жаҳон чемпионига айланган Нозим Хамеднинг рекордини янгилаши мумкин. 24 январь куни Итаума америкалик Жермен Франклинга қарши жанг ўтказади ва агар ғалаба қозонса, промоутери Фрэнк Уоррен унга жаҳон чемпионлиги учун жанг уюштирмоқчи.

"Агар у бу жангда ғалаба қозонса, умид қиламанки, шундай бўлади, менимча, йил охиригача чемпионлик камари учун рингга кўтарилади", - деди Уоррен Sky Sports’га берган интервьюсида Итаума ҳақида гапириб. - Назим айни дамда энг ёш британиялик жаҳон чемпиони ҳисобланади ва ўйлайманки, Мозес бу рекордни янгилай олади".

"Кўрамиз, аммо Мозес амбицияли, у нима хоҳлашини билади ва у жуда ақлли, - дея қўшимча қилди промоутер. - Биз шунчаки унга керакли вақтда тўғри қадам қўяётганимизга ишонч ҳосил қилишимиз керак".

Эслатиб ўтамиз, ўтган йили Итаума 20 ёш-у 4 ой ва 22 кунлигида супероғир вазн тоифасида энг ёш жаҳон чемпиони бўлган Майк Тайсоннинг рекордини янгилаши мумкин эди.