29 мар 06:16
Янгиликлар

Бокс/ММА

Мозес Итаума - Жермейн Франклин жангида нокаут қайд этилди

Англиянинг Манчестер шаҳрида Queensberry Promotions компанияси томонидан профессионал бокс турнири ташкил этилди.

"Co-op Live Arena"да ўтган оқшомнинг асосий жанги супероғир вазн тоифасида ўтказилиб, унда британиялик 21 ёшли Мозес Итаума америкалик 32 яшар Жермейн Франклинга қарши рингга кўтарилди. Жанг бешинчи раундда истеъдодли Итауманинг нокаутли ғалабаси билан якунига етди.

Шу тариқа, Мозес Итаума профессионал боксчилик фаолиятидаги кетма-кет 14-ғалабасини тантана қилди. Муддатидан олдин қозонган ғалабалари сони 12 тага етди. Франклин эса учинчи мағлубиятини қарши олди. Ғалабалари сони 24 талигича (15 таси нокаут билан) қолди. Мозеснинг бу ғалабаси уни чемпион Александр Усикнинг камарига яқинлаштирди.