11 май 09:46
Янгиликлар

Бокс/ММА

Муҳаммад Мокаев Жейк Полнинг биринчи турнирида жанг қилмайди

Собиқ UFC жангчиси Муҳаммад Мокаев ONE FC собиқ чемпиони Адриано Мораэсга қарши келаётган якшанба куни октагонга чиқиши керак эди.

У Жейк Полнинг Most Valuable Promotions (MVP) компаниясининг аралаш яккакурашлар бўйича биринчи турнирида жанг қила олмайди. Мокаев ушбу шоу ўтказилаётган Лос-Анжелесга етиб кела олмаган, аниқроғи унга Америка визасини олиш рад этилган.

Мокаев ўрнига энди АҚШда яшовчи, аввал Bellator ва LFA Лигаларида ўз жангларини ўтказган жанубий африкалик Фуми Нкута (11–0) Мораэсга қарши баҳс олиб боради.

Эслатиб ўтамиз, Лос-Анжелесдаги MVP шоусининг асосий воқеаси аёллар ММАсининг икки афсонаси Ронда Роузи ва Жина Карано ўртасидаги жанг бўлади.