Муҳаммад Салоҳ "Ливерпуль"дан кетишини эълон қилди!

33 ёшли мисрлик юлдуз ўзининг ижтимоий тармоқларидаги видеомурожаат орқали ушбу қарорини тасдиқлади.

Салоҳ 2017 йилдан буён "Ливерпуль" шарафини ҳимоя қилиб келмоқда. У клуб сафида 435 та ўйинда майдонга тушиб, 255 та гол уришга муваффақ бўлди ва 9 та соврин, жумладан АПЛ ҳамда ЕЧЛ олтин медалларини қўлга киритди.

"Афсуски, ўша кун етиб келди. Бу менинг хайрлашувимнинг биринчи қисми. Мавсум якунида "Ливерпуль"ни тарк этаман. Ушбу клуб, шаҳар ва мухлислар ҳаётимнинг ажралмас қисмига айланишини тасаввур ҳам қила олмагандим. "Ливерпуль" шунчаки жамоа эмас, бу — эҳтирос ва тарих. Мен ҳар доим сизлардан бири бўлиб қоламан, ушбу клуб эса мен ва оилам учун ҳамиша уй бўлиб қолади", — деди Салоҳ ўз мурожаатида.

Эслатиб ўтамиз, Муҳаммад Салоҳ "Ливерпуль" тарихидаги энг яхши тўпурарлардан бири сифатида ўз номини тарихга муҳрлаб кетмоқда.