Муҳаммаджон Қурбонов Octagon 39 мусобақасида россиялик жангчига қарши октагонга кўтарилади

Ярименгил вазнда ўзбекистонлик аралаш яккакураш устаси Муҳаммаджон Қурбоновнинг (8-4) навбатдаги жанги бўйича тафсилотлар маълум бўлди.

Унга кўра, Қурбонов 21 январь куни Олма-Ота шаҳрида (Қозоғистон) ташкил этилаётган Octagon 39 мусобақаси доирасида россиялик Азамат Алипкачев (3-4)га қарши жанг қилади.

Қурбонов сўнгги бор 2022 йил 20 май куни ташкил этилган Octagon 30 мусобақаси доирасида мезбон юрт вакили Исмаэль Героев (3-2)га қарши жанг қилиб, ҳакамлар қарори билан ғолиб бўлган эди. Азамат Алипкачев эса охирги жангида 2019 йилда ҳамюрти Александр Антоненко (7-4)га қарши октагонга кўтарилиб, муддатидан аввал мағлуб бўлган.