Муҳаммадкарим ва Нигорани табриклаймиз!

Муҳаммадкарим Ҳуррамов - 1997 йилнинг 4 апрель куни Сурхондарё вилоятида таваллуд топган. Яъни, полвонлар юртидан! Дзюдо спорт турини танлаши тасодиф эмас. Воҳанинг аксарият ўғлонлари ё курашчи, ёки дзюдочи бўлишади.  Муҳаммадкаримда ҳам худди шундай ҳолат кузатилди. У олимпия ўйинлари оиласига мансуб дзюдони танлади.  

Бугун 24 ёшга тўлган дзюдочимиз ўтган йили Германиянинг Дюссельдорф шаҳрида ўтказилган "Катта Дубулға" туркумига кирувчи турнирда барча рақибларини мағлубиятга учратиб, олтин медаль соҳибига айланганди. 

Шунингдек, бугун таэквондо бўйича Ўзбекистон терма жамоаси аъзоси Нигора Турсунқулованинг ҳам туғилган куни. 2018 йил Хошиминда ўтган Осиё чемпионатида олтин, 2018 йил Бутунжаҳон армия ўйинларида кумуш медални қўлга киритган, 2016 йилги Олимпиадада иштирок этган Нигора Турсунқулова 22 ёшга тўлди.

Фурсатдан фойдаланиб, ҳар икки спортчимизни бугунги таваллуд айём билан чин қалбдан муборакбод этамиз. Уларга сиҳат-саломатлик, узоқ умр, оила аъзолари бахтига ҳамиша соғ бўлиб юришларини тилаймиз. Спортчилик фаолиятларида эса Олимпиада медалини қўлга киритишларига тилакдошмиз ва бунга ишонамиз!