20 июн 16:26
Янгиликлар
Бокс/ММА
Мужибилло Турсунов WBC Гран-присида иккинчи ғалабасига эришди
Саудия Арабистонининг Ар-Риёд шаҳрида профессионал бокс бўйича WBC Гран-присининг навбатдаги босқичи бошланди.
Тўртта дивизионда ташкил этилаётган Гран-прининг бугунги беллашувлари доирасида супер енгил вазн тоифасида ўзбекистонлик чарм-қўлқоп устаси Мужибилло Турсунов рингга кўтарилди.
Ҳамюртимизга Аргентина вакили Алан Эзикель Дутра рақиблик қилди.
Аҳамиятлиси, 6 раундлик беллашув тўлиқ давом этиб, якунда Мужибилло очколар ҳисобига кўра зафар қучди. Бу ғалаба орқали Турсунов WBC Гран-присининг чорак финал босқичи чиптасини қўлга киритди.
Эндиликда Андижонда туғилган Мужибилло Турсунов ҳисобида 7 та жангда қўлга киритилган 7 та ғалаба мавжуд. Алан Дутра эса бугун фаолиятидаги 16-жангида илк бор мағлубият аламини тотиб кўрди.
Ҳавола :
Манба : olamsport.com
Фикрлар