Мураббий ва ҳакамлар учун ўтказилган амалий семинар якунига етди + ФОТО

Хабарингиз бор, бу йилги халқаро мусобақаларга IJF томонидан бир нечта ўзгаришлар киритилган эди. Бу янгиликлар бўйича Туркиянинг Истанбул шаҳрида махсус халқаро семинар ҳам ўтказилган ва унда дунёнинг кўплаб давлатлари қаторида ўзбекистонлик бир гуруҳ рефери ҳамда мураббийларимиз иштирок этганди. 

Улар орасида Ўзбекистон дзюдо федерацияси Ҳакамлар ҳайъати раиси Баҳодир Узакберганов ҳамда Олимпия тоифасидаги рефери Вячеслав Перетейко ҳам бор эди. Айнан бу икки мутахассисимиз семинарда мураббий ва ҳакамлариимизга Париж "Катта Дубулға" турниридан амалиётга киритиладиган ўзгаришлар ҳақида атрофича маълумот беришди.