15 дек 03:40
Янгиликлар
Бокс/ММА
Муроджон Аҳмадалиев рақибини нокаутга учратиб, WBA Interim камарини қўлга киритди
Монте-Карлода профессионал бокс оқшоми ташкил этилди.
Кечанинг марказий жангида иккинчи энг енгил вазн тоифасида WBA ва IBF йўналишлари бўйича собиқ Жаҳон чемпиони, ҳамюртимиз Муроджон Аҳмадалиев Мексика вакили Рикардо Эспинозага қарши рингга кўтарилди.
12 раундлик жанг 3-раунддаёқ якунланди. Боксчимиз 3-раундга келиб фаолликни оширди ва рақибини 2 маротаба нокдаун ҳолатига солиб қўйди. Рақиб учинчи маротаба рингга йиқилганидан сўнг рефери жангни якунлаб, техник нокаут қайд этди.
Шу тариқа, Муроджон Аҳмадалиев WBA Interim камари соҳибига айланди.
Ҳавола :
Манба : olamsport.com
Фикрлар