12 июл 10:12
Янгиликлар

Бокс/ММА

Муроджон Аҳмадалиевнинг япониялик рақибига қарши жанги қачон ўтказилади?

Биринчи ярименгил вазн тоифасида собиқ жаҳон чемпиони Муроджон Аҳмадалиевнинг навбатдаги жанги ҳақида маълумот берилди.

Аввалроқ, ҳамюртимизга япониялик Томоки Камеда рақиблик қилиши ҳақида хабар берган эдик. Жанг WBA чемпионлик камари учун якуний элиминатор мақомида ўтиши белгиланган.

Муроджоннинг промоутери Эдди Хирннинг маълум қилишича, Муроджон Аҳмадалиев ҳамда Томоки Камеда ўртасидаги жанг сентябрь ойида ўтказилиши режалаштирилмоқда.

Айни пайтда Муроджон навбатдаги жангига Янгиобод ўқув-машғулот базасида тайёргарлик олиб бормоқда. У ўзининг WBA ва IBF чемпионлик камарларини филиппинлик Марлон Тапалесга бой берган эди.