Мустақиллигимизнинг энг яхши спортчиларини аниқлашда 110 мингдан ортиқ мухлис иштирок этди

Унда сўнгги ўн йилликлар учун 15 нафар спортчимиз саралаб олинди ва энг яхши 3 спортчи овоз бериш йўли орқали аниқланди. 10-24 август кунлари ўтган мазкур танловда 110 мингдан ортиқ мухлислар иштирок этди. Унга кўра, 1991-2000 йилларда Миржалол Қосимов, 2001-2010 йилларда Абдулло Тангриев, 2011-2020 йилларда Оксана Чусовитина номзоди ғалаба қозонди. 

Келинг, буларнинг барчаси қандай ўтганини таҳлил қиламиз:

Дастлаб, 10-14 август кунлари 1991-2000 йиллар учун энг яхши спортчи аниқлаб олинди. Унда Миржалол Қосимов номзоди ғолиб деб топилди:

Иштирокчилар сони: 7822

1-ўрин: Миржалол Қосимов (футбол) – 2644 овоз (34%)

2-ўрин: Муҳаммадқодир Абдуллаев (бокс) – 2601 овоз (33%)

3-ўрин: Артур Григорян (бокс) – 1005 овоз (13%)

4-ўрин: Лина Черязова (фристайл) – 948 овоз (12%)

5-ўрин: Армен Багдасаров (дзюдо) – 624 овоз (8%)

15-19 август кунлари 2001-2010 йиллар учун энг яхши спортчи номи маълум бўлди. Мазкур танловда Абдулло Тангриев номзоди ғалаба қозонди:

Иштирокчилар сони: 3646

1. Абдулло Тангриев (дзюдо) – 1636 овоз (45%)

2. Артур Таймазов (эркин кураш) – 1456 овоз (40%)

3. Вадим Меньков (каноэда эшкак эшиш) – 211 овоз (6%)

4. Сервер Жепаров (футбол) – 195 овоз (5%)

5. Екатерина Хилько (трамполин) – 148 овоз (4%)

20-24 август кунлари 2011-2020 йиллар учун ўтказилган танловда Оксана Чусовитина номзоди биринчи ўринни қўлга киритди. Ушбу жараёнда 99.9 минг мухлис қатнашди.

Иштирокчилар сони: 99.9 минг

1. Оксана Чусовитина (спорт гимнастикаси) – 35639 овоз (36%)

2. Муроджон Аҳмадалиев (бокс) – 29176 овоз (29%)

3. Руслан Нурудинов (оғир атлетика) –15842 овоз (16%)

4. Ришод Собиров (дзюдо) – 11494 овоз (11%)

5. Шаҳобиддин Зоиров (бокс) – 7760 овоз (8%)

Шу тариқа, мазкур танловда Ўзбекистон Республикасида хизмат кўрсатган спортчилар Миржалол Қосимов, Абдулло Тангриев ва Оксана Чусовитина ғолиб бўлишди.