28 апр 13:13
Янгиликлар

Теннис

Mutua Madrid Open. Арина Соболенко учинчи даврада

Испаниянинг Мадрид шаҳрида теннис бўйича нуфузли WTA 1000 турнири давом этмоқда.

Сайёрамизнинг иккинчи рақамли теннис маликаси Арина Соболенко учинчи давра иштирокчисига айланди. Беларуслик теннисчи иккинчи даврада WTA рейтингида 44-поғонада бораётган руминиялик Сорана Кирстяни мағлуб этди - 6/4, 6/3.

Теннисчиларнинг ўзаро учрашувларида ҳисоб тенглашди - 1:1. Бир соату 23 дақиқа давом этган баҳсда Соболенко 7 та эйс, 2 та қўшхато ва 5 та брейк қайд этди. Энди у Mutua Madrid Open турнирининг учинчи босқичида колумбиялик Мария Осориога қарши кортга чиқади. Осарио ўз ўрнида украиналик Марта Костюкдан 3/6, 6/4, 6/3 ҳисобида устун келди.