29 апр 11:20
Янгиликлар

Теннис

Mutua Madrid Open. Хольгер Рунеда қийин ғалаба

Испаниянинг Мадрид шаҳрида "Мастерс" сериясига кирувчи нуфузли турнир давом этмоқда.

Дунёнинг еттинчи ракеткаси Хольгер Руне иккинчи даврада қийин ғалабага эришди. Даниялик теннисчи ATP рейтингида 55-поғонада бораётган қозоғистонлик Александр Бубликни 6/1, 4/6, 7/6(9) ҳисобида мағлубиятга учратди.

Теннисчиларнинг ўзаро учрашувларидаги мувозанат тикланди - 1:1. Икки соату 4 дақиқа давом этган баҳсда Руне 7, Бублик эса 13 та эйс зарбани амалга оширган. Энди Хольгер учинчи босқич учрашувида испаниялик Алехандро Давидович-Фокинага қарши кортга чиқади. У ҳамюрти Альберт Рамосдан устун келди - 6/3, 6/4.