Надаль 2008 йилдан бери илк бор Рим "Мастерс"ининг чорак финалига чиқолмади

"Мастерс"нинг амалдаги чемпиони Рафаэль Надаль турнирнинг учинчи даврасида канадалик Денис Шаповаловга 3 сетда 6/1, 5/7, 2/6 ҳисобида имкониятни бой бериб қўйди ва мусобақани тарк этди. 

Шу тариқа, испаниялик теннисчи ўз фаолиятида иккинчи марта ва 2008 йилдан бери биринчи бор Италия "Мастерс"ининг чорак финалига чиқа олмади.

Бундан ташқари, у ўз фаолиятида биринчи марта мавсум давомида грунт кортда бирорта финалда ўйнамай, "Ролан Гаррос"да иштирок этади.

Шаповалов Надални 6 та ўйинда иккинчи марта, қўмли қопламали кортда эса биринчи марта мағлуб этди. У сўнгги ғалабани 2017 йилда Канададаги "Мастерс" турнирининг биринчи учрашувида қўлга киритганди.

Чорак финалда Шаповалов Каспер Руудга қарши баҳс олиб боради.