26 май 11:55
Янгиликлар

Теннис

Надаль "Ролан Гаррос"да иккинчи давра учрашувини ўтказди

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Дунёнинг бешинчи ракеткаси бўлиб турган Рафаэль Надаль Франция Очиқ чемпионатининг иккинчи даврасида мезбон теннисчи, ATP рейтингида 139-поғонадан жой олган Корентен Мутега қарши баҳс олиб борди ва ғалаба қозонди - 6/3, 6/1, 6/4.

Икки соату 12 дақиқа давом этган учрашувда испаниялик юлдуз 1 та эйс, 2 та қўшхато ва 7 та брейк-пойнт қайд этди. Бу теннисчиларнинг ўзаро ўтказган илк учрашуви эди. Энди Надаль учинчи босқичда нидерландиялик Ботик ван де Зандшульпга қарши кортга чиқади.