Naiza 58. Марказий жангида ўзбекистонлик аралаш яккакураш устаси октагонга чиқди

Оқшомнинг марказий жанги ўрта вазн тоифасида ўтказилиб, унда яримўрта вазнда Naiza промоушени чемпиони Рамазан Гасанов (11-0) ҳамюртимиз Маъмуржон Ҳамидов (7-3) билан октагонда тўқнаш келди. Жангга яқин рақибсиз қолган доғистонлик енгилмас яккакураш устаси битта вазн юқорига кўтарилишга мажбур бўлди. 

Шу боисдан ҳам бу жанг камар учун ўтказилмади. Уч раундга мўлжалланган жангнинг биринчи раундидаёқ тажрибали Гасанов техник нокаут эвазига проф фаолиятидаги 11-ғалабасини қўлга киритди. Ҳамидов эса проф-ММАдаги учинчи мағлубиятини қабул қилиб олди. Унинг ҳисобидаги ғалабалари сони 7 талигича қолди.