Наманган ИОЗМИда ёш спортчиларга яратилган шароитлар билан танишилди ФОТОРЕПОРТАЖ

Аввал хабар берганимиздек, Ўзбекистон Республикаси Жисмоний тарбия ва спорт вазирлиги томонидан тузилган ишчи гуруҳ Наманган вилоятида жисмоний тарбия ва спорт соҳасида аҳоли соғлиғини мустаҳкамлашга кўмаклашадиган аниқ дастурларни амалиётга жорий этиш, ёшларни спортга кенг жалб қилиш ва улар орасидан иқтидорли спортчиларни саралаб олиш, спорт турлари бўйича юқори натижаларни таъминлайдиган маҳоратли спортчилар билан миллий терма жамоаларни шакллантириш ва тренерлар учун қўшимча шарт-шароитлар яратиш бўйича амалга оширилаётган ишлар билан яқиндан танишмоқда.

Жумладан, ишчи гуруҳ вакиллари кеча Наманган шаҳридаги ихтисослаштирилган олимпия захиралари мактаб-интернати фаолиятини ўрганди.

Ушбу спорт таълим муассасаси Наманган вилояти ҳокимининг 2005 йил 25 августдаги 212-сонли қарорига асосан Наманган Олимпия захиралари спорт коллежи номи билан ташкил этилган.

Таълим муассасасида бугунги кунда 6 та спорт зали, жумладан, спорт ўйинлар зали (48х24 м), кураш зали (12х30 м), оғир атлетика зали (12х30 м), гимнастика зали (18х42 м), бокс зали (18х36 м), кураш заллари (18х36 м) ўз фаолиятни кўрсатмоқда.

Ўрганиш давомида масъулларга ИОЗМИда спортчи-ўқувчиларга етарли шарт-шароитларни яратиш ҳамда Осиё ва жаҳон чемпионатларида ҳамда Олимпия ўйинларида юқори чўққиларни заб этиб, юртимиз байроғини юксакларга кўтарадиган иқтидорли спортчиларни тайёрлаш борасида кўрсатмалар берилди.