Наманганда енгил конструкцияли дзюдо зали бунёд этилади ФОТОРЕПОРТАЖ

Икки йил аввал айнан шу мақсадда Ўзбекистон дзюдо федерацияси томонидан қисқа фурсат ичида федерация ҳудудида терма жамоалар шуғулланиши учун  енгил конструкцияли машғулот зали бунёд этилган эди. Федерация раҳбарияти олдида турган эндиги вазифа - сэндвич-панелли спорт иншоотларини вилоятларда бунёд этишдан иборат. 

Шу муносабат билан Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов Наманганга ташрифи чоғида шаҳардаги 52-умумтаълим мактаби ҳудудида қурилиши бошланиш арафасида турган таълим масканига борди. Унга вилоят туризм ва спорт бошқармаси мутасаддилари, федерация раиси ўринбосарлари Зафар Мамажонов, Зафар Қаҳрамонов, ишчи гуруҳ вакиллари ҳамроҳлик қилишди. Ушбу янги дзюдо зали Халқ таълими вазирлиги билан ҳамкорликда бунёд этилади ва Мустақиллик байрами арафасида фойдаланишга топширилиши режалаштирилмоқда.   

Маълумот учун, ҳозирда Самарқандда 7, Тошкентда 102, Қўқон шаҳрида эса 20-умумтаълим мактабларида енгил конструкцияли дзюдо залларинининг қурилиши бошланган.