09 дек 08:07
Янгиликлар

Оғир атлетика

Наманганда оғир атлетика бўйича вилоят биринчилиги бўлиб ўтди

8-декабрь Ўзбекистон Республикаси Конституциясининг 28 йиллиги юртимиз бўйлаб кенг нишонланмоқда.

Ўзбекистон Республикаси Президентининг 2020 йил 30 октябрдаги “Соғлом турмуш тарзини ҳаётга кенг татбиқ этиш ва оммавий спортни янада ривожлантириш чора-тадбирлари тўғрисида”ги ПФ–6099-сонли Фармони ижросини таъминлаш бўйича спорт мусобақалари бўлиб ўтди.

Аҳолини жисмоний тарбия ва оммавий спортга жалб қилиш, ўсмир ва қизларни спортга бўлган қизиқишларини ошириш, оғир атлетика спорти бўйича Наманган олимпия захиралари коллежи ва вилоят терма жамоасига иқтидорли спортчиларни саралаб олиш мақсадида конституция кунига бағишлаб вилоят биринчилиги бўлиб ўтди.

Мазкур мусобақа Наманган олимпия захиралари коллежи оғир атлетика залида бўлиб ўтди. Муросасиз курашларга бой ўтган мусобақада 200 нафардан ортиқ атлетлар ғолиблик учун беллашишди.