29 мар 10:32
Янгиликлар

Теннис

Наоми Осака Miami Open 1/4 финалида

Дунёнинг 77-ракеткаси Наоми Осака Майами "Мастерс" турнирининг чорак финал иштирокчисига айланди.

Япониялик теннис маликаси тўртинчи давра учрашувида WTA рейтингида роппа-роса 50-ўринни эгаллаб турган америкалик Элисон Рискедан устун келди - 6/3, 6/4.

Бир соату 32 дақиқа давом этган баҳсда Наоми 7 та, Элисон эса 8 та эйс зарбани амалга оширди. 24 ёшли Осака ўзаро учрашувларда ҳисобда олдинга чиқиб олди - 2:1. Энди у 1/4 финалда яна бир АҚШ вакиласи Даниэль Коллинзга қарши кортга чиқади.