01 май 12:41
Янгиликлар

Бокс/ММА

Наоя Иноуэ эртанги жанг олдидан ватандошидан оғирроқ чиқди

Иккинчи енгил вазн тоифасида мутлақ жаҳон чемпиони Наоя Иноуэ эртага Япония пойтахти Токио шаҳрида бирлаштирувчи чемпионлик жангида рингга кўтарилади.

"Токио Дом" арена мезбонлик қиладиган оқшомнинг асосий жангида япониялик 33 ёшли боксчи енгил вазн тоифасида WBC ва IBF йўналишларида амалдаги чемпион Дзюнто Накатанига қарши рингга чиқади. Бироз аввал япониялик боксчилар тарози ҳамда сўнгги face to face маросимларида ҳозир бўлишди.

Ҳар икки чемпион ҳам белгиланган вазн меъёрини бажарди. Иноуэ тарозида - 55,3 кг, Накатани эса - 55,1 кг тош босди. Жанг эртага, 2 май куни бизнинг вақт билан тахминан соат 16:00 да бошланади.

Эслатиб ўтамиз, Наоя ва Дзюнто профессионал боксда бир хил рекордга эга бўлган мағлубиятсиз боксчилар ҳисобланади - 32-0! Бироқ Иноуэ муддатидан олдин кўпроқ ғалаба қозонган - 27 та. Накатани эса ўз навбатида 24 та жангини нокаут билан якунлаган.