"Наполи" хавбеки ўзини 5 миллион еврога баҳолади

"Тўғрисини айтсам, ўзимни 5 миллион еврога баҳолаган бўлардим. Ҳозирда футболчилар 120 миллионга баҳоланмоқда – бу футболчилар учун абсурд сумма. Ҳамма нарса ҳисобга олинади ва бу ажойиб – лекин мен бундай катта рақамларни тушунмайман. Мен бундай нарсаларга изоҳ беришни ҳам ёқтирмайман.

Келажакка келсак, менга Неаполь жуда ёқади, бу ердаги одамлар ажойиб ва мен шу ерда қолишни хоҳлардим. Президент билан учрашдим, биз шартномани узайтиришга келишиб олдик. Мен қўшимча бонуслар билан фаолиятимдаги энг юқори маошга эгаман. Ҳар доим ҳам ойига ва ҳатто ҳар 3 ойда ҳам маош олмайман, лекин бу Италия", – деди футболчи.

Словакиялик футболчи "Наполи" сафида 2020 йилнинг январидан буён тўп тепмоқда. 28 ёшли ярим ҳимоячи жорий мавсум А Серияда 3 та ўйин ўтказди.