"Насаф" — "Бухоро" учрашуви мезбони алмашди: Ўйин Бухорода ўтказилади

ПФЛ регламентининг 14.8-бандига асосан, мазкур баҳс Бухорода бўлиб ўтади.

Мезбонлик нега алмашди?

Қаршининг "Насаф" клуби 13 апрель куни бўлиб ўтиши режалаштирилган ўйин учун майдон масаласини регламентда белгиланган муддатда (ўйин бошланишига 20 кун қолгунга қадар) ҳал қила олмаган. Шу сабабли, 13 апрель кунги баҳс "Насаф"нинг номинал мезбонлиги остида Бухоро футбол академияси стадионида ўтказиладиган бўлди.

Иккинчи даврадаги ўйин-чи?

Мусобақанинг иккинчи давраси доирасидаги жавоб ўйини эса "Бухоро" клубининг номинал мезбонлиги остида Бухоро шаҳрида (ёки клуб томонидан тақдим этиладиган бошқа стадионда) бўлиб ўтади.

Эслатиб ўтамиз, аввалроқ худди шундай ҳолат Суперлига 3-туридаги "Машъал" — "Қизилқум" ҳамда 4-туридаги "Сўғдиёна" — "Пахтакор" учрашувларида ҳам кузатилган эди. Лига клублардан бу каби ҳолатлар такрорланмаслиги учун регламент талабларига қатъий риоя қилишни сўрамоқда.